هاذي غنايه ليهم!!

مش عارف لماذا بكيت؟
هل لأنها تذكرني بطفولتي حيث كانت لنا نشيدا رسميا يعبر عن حال الضعفاء و الفقراء و ما أكثرهم.
أو لأن كلماتها و صوت مغنيها صفعتني و أفاقتني...

أغنية مؤثرة جدا، و إبداع اللحن و إتقان آداء لطفي بوشناق زادها جمالا.

لكن، لازم تخلينا نفكر، ننقص أنانيتنا و نشوف حولنا و حتى لو بالقلب ، نشارك الناس همومهم و ننزل من قصورنا العاجيه، بين تعليق على صورة و إضافة صديق.. 

********************************
موال:

يا عين ريت من العجب ألوان
ولا يوم ريت أعجب من الانسان
ينسى الأيدين الي بَنَتْ و عَلَّتْ
ويتذكر الأحجار .. والبنيان
ضمي الجفون يا عين ..
علي عاشوا في الظل .. يسقو الشمس للعُطشان
وقوليلهم .. فينا الي يتذكرهم
بحبر العرق .. وريشة الوجدان


********************************

هاذي غنايه ليهم، من القلب نحييهم
إلي عايشين لينا و لا ريف و لا مدينة لولا عرق ايديهم
و يذوبو كالشمعه و يخبيو الدمعة على عيون أهاليهم

الناس إلي تعاني و نساتهم الأغاني
هاذي غنايه ليهم!!

إلي عمري ليهم، و عمري شوي فيهم
يعيشو بلقمة نظيفه و يزرعو بخطيفه (طائر الخطاف) ربيع يْجَنَّحْ بيهم
تملكهم بكليمه و يتمناو ديما، بعيدة أمانيهم
الناس إلي تعاني و نساتهم الأغاني..
هاذي غناية ليهم
إلي في لياليهم، ضحكتنا تدفيهم
خطوتهم على الجمره و يحلمو بالقمره مرايه بين إيديهم
و في آخر الحكاية تتكسر المرايه
و ما تحكيش عليهم
الناس الي تعاني و نساتهم الأغاني هاذي غنايه ليهم ! 

********************************

يلزمني نمسح دموعي و نستجمع قواي.
لكن، أظنني سأبكي أكثر مع عرضي المعتاد للكلمات المفاتيح التي الظاهر هي السبب في تكاثر عدد الزوار للمدونه:

لقد قمت بحذف الكلمات لأسباب أخلاقية ... هههههه