الاثنين، 4 يناير، 2010

أنا جآآاي، أكره المدونه


السلام عليكم ...

مش عارف كيف أبدأ هذا الموضوع، يمكن لأني حاسس بعتب البعض عليا بسبب غيابي، أو يمكن لأن صارلي فترة ما كتبت مواضيع ...
حابب فقط أحكي عن المدونه وعن نفسي شوي ...

الإنترنت وسيلة تواصل ممتعة و مفيدة، هذا ما فيه شك ... لما رحلت عن حبيبي و صرت في باريس خلال العام الماضي، عرفت معنى الملل و الوحده، بالرغم إني كنت كل أسبوع أشوفه، لكن، في وسط الأسبوع كنت كتير فاضي ... بما أني مش رياضي، ما عرفت إيش أسوي في وقت فراغي، و قلت فرصه إني أعمل مدونة أتسلى شوي، فقط الهدف كان تسلية...

أحكي شوي عن نفسي و عن أفكاري، أتعرف على العرب من كل مكان... هذا إلي صار، تعرفت على الكثير من الناس الطيبين، تعرفت على أفكار كثيرة، كانت ثرية كثير و تعلمت من علاقاتي أشياء كثيرة ... شوي شوي، صرت أحس بواجب نحو المراهقين المثليين العرب، لأنهم مازالو في أول حياتهم، و قلت لنفسي خليني أكون لهم قدوة، يتعلمو من خلال مدونتي إن فيه حب بين ناس من نفس الجن
س، فيه حقوق لازم يتعرف عليها المثلي، و إن المثليه الجنسيه ليس فقط حياة جنسيه خالية من العواطف و المسؤوليات ... يمكن كانت أحلامي كبيره، إني أغير المثليين العرب و يصير عندهم وعي بمشاكلهم و بحياتهم إلي هم السبب في إنها صارت حياة عشوائية منبوذه من المجتمع و ما عندها طعم إلا بممارسة الجنس الخالي من المشاعر ... لكني كنت أحب إن يشاركني في أحلامي بعض الناس العزيزين على قلبي ...

مشكلتي في الحقيقه، إني أكره العلاقات إلي تكون فقط مبنية على الإنترنت، أحب أشوف الناس إلي أحكي معاهم و يشوفوني، أحب أبعث لهم رسايل بخط إيدي، أحب أسمع صورتهم و يسمعو صوتي.. و هذا يمكن الشي إلي كتيرين ما يفهموه ...

صار هذا الشي، و كنت سعيد كثير ... سوء تفاهم بسيط، ما له معنى، أثر فيا تأثير كبير، أكيد الكثيرين فاهمين عن أي شي أنا أتكلم، لكن، الحمد لله، كل شي صار تمام التمام، أصلا هو ما كان السبب الرئيسي إني أقفل المدونه، بل كان فيه سبب ثاني : لالالالا، مش التعليقات السخيفه لبعض الناس، بالعكس، أنا عمري ما تأثرت بهالتعليقات، لكن، الحكايه و ما فيها، إن المدونه كنت عاملها لإعطاء الأمل للناس ، كنت فخور بقصة حبي مع حبيبي، كنت حابب إنها تصير روايه على كل لسان، فيها نجاح إثنين من ثقافه مختلفه، من بلدان مختلفه و أفكار مختلفه، لكن، جمعهم الحب و خلاهم أقوى، و صار بينهم شي مقدس إسمه الحب و العشره ... لما صارت المشاكل بيني و بينه، صرت أكره المدونه، كأنها هي سبب الخلاف، صرت كل مره أقرأها، أتذكر مشاكلي معاه، صارت حمل ثقيل، فقررت إني أقفلها ...

ما كان لازم أقفلها، و ها أنا الآن راجع في العام الجديد، متحمس، و حابب إنشالله أتواصل مع حبايبي كالعاده ... على فكره، أنا لما أكتب أكتب في الواقع لنفسي مش للناس، يعني مش حابب أصير ستار و كل الناس تعرفني و تزور مدونتي.. لا، أنا حاب أشارك و لو بشكل بسييييط جدا، في الدفاع عن المثليين العرب و إيصال كلمتهم و لو لفئة قليلة من المجتمع...

لما أتكلم عن حياتي الخاصه، دايما أكون حاطط في بالي إن الهدف هو التوعية، هو إن غيري يتعلم دروس من تجاربي، أو إن غيري يحب يعيش حالة الحب و الفرح و تقبل الذات إلي أنا أعيشها ... حتى حالات الحزن، هي تجارب كلنا نمر بها، و هي تأكيد إن المثلي الجنسي بشر ككل البشر ...

عذرا على الإطاله، أحب أسلم على كل الناس إلي إشتاقو لي، و أخبركم إن خلال الكم يوم الجاي، حأحكي عن تطورات كثيره صارت في فترة الأجازه .. و البدايه تكون غدا إنشالله ...

مع الشكر و المحبه ...

هناك 12 تعليقًا:

غريب يقول...

مرحب فيك وبعودتك

اكثر واحد سعيد برجوعك

مع اني مثل ما قلت مثل القط والفار

لكن من الناس اللي بحبهم وبرتاح لهم كثير

يلا خلييها مفتوحة دوما

طبعا لا يروح بالك بعيد اقصد المدونة خخخخ

anagay يقول...

أهلين و سهلين، ما تخاف ما راح فكري بعيد !!
إنت عارفني، ما ليش في الأفكار المنحرفه .. خخخخخ

Mna7y hilton يقول...

هلا والله
انا فهمت قصدك من ناحيه ان المدونه صارت تذكرك في الايام اللي تعبت فيها نفسيا
بس لا تنسى السبب الرئيسي للمدونه اللي هو طرح جميع افكارك ومشاعرك السلبيه والايجابيه

وكمان اتفق معاك من ناحيه الصدقات الانترنتيه
بس زي ما انت عارف حنا مثليين ونخاف على شخصياتنا الحقيقه بالظهور او الانتشار لما قد يقع من المشاكل في مجتمعاتنا المحافظه

بس اظن ان هذي الصداقات وجودها احسن من عدمها
لاني انا ودي في يوم من الايام اوصل مرحلتك
في اني احيش في دوله تحمي حقوقي كا مثلي واني اتزوج شريك حياتي واتبنى ولد معه
لكن لم ارى مثال اقدتي به او اتعظ منه
الا يوم بديت اقرا المدونه حقتك
وشفت شخص تقريبا من نفس المجتمع حقي والخلفيه الدينيه والاجتماعيه
وقاعد يعيش الحلم اللي كنت حاطه في بالي

واشكرك على انك تشاركنا بحايتك الشخصيه لاني بديت افكر واقعيا في المشاكل والنافع اللي قد تحصل لي لو خطيت خطاك وليس في الحلم المثالي الموجود في نهايه الافلام

لاني كنت فقط افكر تفكير مثالي بدون التفكير في وجود مصاعب يوميه ونفسيه
هذا ما يعني اني شلت الفكر هذا من بالي
بس بديت احطه في إطار واقعي عشان اتجهز نفسيا

داري طولت عليك
بس عاد وش نسوي ياخي
لساني طوييل لول

keep it up

anagay يقول...

تسلم لي مناحي !!
عبرت أحسن تعبير، فهمتني كتييير، شكرا لك ...
شرف لي إني أتعرف عليك ، أصلا مش كل يوم نتعرف على واحد مثلي جنسي و لزبيان ... ههههه

ابن دبي يقول...

هلا والله هلا وغلا فرحان جدا برجوعك
صدقني حسيت بالوحيدة في فترة غيابك عن المدونة صحيح أخالفك في بعض الأمور لكن تظل صديق غالي علي يسعدني التواصل معاه بقراءة أفكاره ومذكراته :)
أبارك لنفسي ولك رجوع المدونة

anagay يقول...

شكرا لك !!
بس يا ريت تغير أفكارك، لأنها ما تتنافى مع قناعاتك، يعني إيش فيها أجيب لي طفل أربيه و أعلمه أحسن تربيه و أحسن تعليم !!! هل أنا لهالدرجه إنسان سيء ؟؟
يعني إيش فيها إن إثنين يحبو بعض يتزوجو بعض، عشان حقوقهم تبقى محفوظه و يكون عندهم نفس الحقوق مع باقي الناس...

فيه فرق بين إنك إنت تكون رافض حاجات إنك إنت تعملها، و بين إنك ترفض إن الناس تعيش حياتها... يعني مثلا كتييير مثليين هنا في فرنسا ما يحبو يتبنو أولاد و ما يحبو يتزوجو لكنهم يعملو كل جهدهم عشان المثلي يكون له نفس الحقوق مثل باقي الناس... مثلا كتييير ناس هنا ما يلبسو حجاب و مش مسلمين أصلا، لكن يدافعو عن النساء إلي تحب تلبس حجاب ... فاهم قصدي ؟؟

غير معرف يقول...

سعيد بعودتك :)

أتوقع عرفتني (&)

anagay يقول...

يمكن تكون إنت إلي في بالي !!!
لكن، إنشالله الليله بأتأكد إنك إنت هو ...

gossip boy ( gaysha ) ka يقول...

ايوووه كذا خوفتني عليك

اول شيء كلنا رح نواجه أبز أند داونز في الحياه

وهذا ماله اي علاقه ابدا بكونك مثلي او غير مثلي

يعني لا تخلي الموضوع يزعجك ابدا ,,, انا واحده من الاسباب الي خلتني اتخذ مدونه هي اني اشعر بالقوه معها ,,,

انا سعيد جدا جدا بعوودتك للتدوين

ومرره ثانيه اذا قررت الرحيل ما تختفي فجأه

طمنا عليك بالأول اوكي

ويللا انتظر تحفك الفنيه عما قريب

سلامي

anagay يقول...

يا تسلم لي إنت يا خلودي ...
إنت أكثر واحد واحشني أصلا في كل المجموعه ...

غ ـــــرور يقول...

مـــرة ثانية ،،
نــــــورت ،، وأهلا برجعتك ،،
مو مهم اللي صار ،، بقدر ما يهمنــا إنك بخير ورجعتلنـــا ..
عزيـــزي، مدوناتنا انعكاس لنا ببساطة ،، لأنها جزء منّا ،،
جزء من أفكارنا ،، من إيمانّا ،، من مشاعرنا ..
وكرهك لمدونتك يعني كرهك لحياتك أو لتصرفاتك في فترة معينة .. يمكن هذا اللي كان يبيله مراجعة أو معالجة مو إغلاق المدونة ;)
وبعديــــن مو بالضروري عشان ترسم مثال إنك تكون عايش بطريقة أو بعالم مثالي ،،
مجـــرد إيمانك بمبادئك ،، ودفاعك عنها هو اللي لازم تحاول توصله لغيرك ،،
أما سير الحياة فهذا شئ مو بإيدنا مهما حاولنا نرسم خطوات لحياتنا ،، وبالعكس بنظري هذا من أهم الأشيــاء اللي لازم يوضحها أي شخص يحاول يوصل معلومة أو فكرة تتعلق بالحياة ..
ولا تنســـى إنه عشان الواحد يتعلم لازم يكون اللي يتعلم منه يحاكي الواقع ،، لأن المثالية ما لها وجود بعالمنا .. فممكن تصـــيب ،، وممكن تخيب !!!
على كــــل حال منتظرين مواضيعك المسلية ،، وروحك الحلوة ..
ونصيحة صغيرة من أخوك الصغير أتمنى ما تاخذها بحساسية ،،
" كلنا أخوانك ،، ماكو أحد ضدك أو يحاول يثبت إنك على خطــأ ،، فإذا بتدخل في نقاش لا تحط نفسك في موقف المدافع ،، أو المها(جَـ)ـم ..
الحوار ببساطة هو حديث بين شخصين ممكن يقتنعوا (أو) يقــنعوا ،، فإذا إنت مؤمن كل الإيمان بمبادئك ومو مستعد تسمع من الطرف الثاني الأفضل تجنب الحوار ،، ومو بالضرورة يكون أي طرف على خطأ ،، ممكن كل شخص تكون له وجهة نظره اللي تناسب بيئته ومحطيه وشخصيته ..
وترا ماكو شي ينفرض بالعصبية والقوة ،، لكن كل شي ينحل بالهداوة ..
ولكل وجهة نظرة ،، ولكل كلمة .. لازم يكون احترامهـــــا "
بانتظــــارك

غ ـــــــــــــــــــــــرور ..

anagay يقول...

شكر كبير لك يا غرور، ما شالله كلامك موزون، و كله عبر ...
إنشالله آخذ بنصيحتك .. لكن، إنت عارف، هذا من حبي لكم ...